Carcan Soca Digunakan untuk Mengenal Jenis atau Nama Soca

helaibuku.blogspot.com/   Shabat Helai Buku di bawah ini Helai Buku petikkan Pupuh Sinom yang isinya tentang carcan soca untuk mengenali jenis-jenis soca atau nama-nama soca berdasarkan ciri-cirinya (carcane). Karena ini merupakan syair dari pupuh Sinom maka petikkan ini menggunakan Bahasa Bali,sebab Pupuh sinom itu terikat dengan baris dan padalingsanya. Berikut petikkannya:

1. Puniki carcan sasocan,
 Indradanane  pangrihin,
biru putih maor abang,
indra nila wiakti becik,
biru ancop liap putih,
kumedep wira biru,
ring sor ireng rupania,
yadin dadu ungu wiakti,
ne kawuwus,
mula magenah ring dasar.

 

2. Widura ulung  punika,
rupa ireng celek putih
kresna irenge dumilah,
kresna dana luwih wiakti,
ireng maliab putih,
kumedep utama mulus,
muang kebo  kunang-kunang,
irenge macelek putih,
bangsing iku,

irenge nyalang dumilah

 

3. Asurat putih punika,
mantene kaucap kuning,
maor ijo kawiaktiannya,
ratna cempakane kuning,
adawa abang becik,
mutiara kuning malembut,
utama maliab suweta,
ijo santen rupa wilis,
semu putih,
Kecubung Putih semu tangia.

 

4. Mirah Kecubunge tangia,
abawa bang wiakti becik,
yadin kecubung kasian,
putihe abawa tangi,
kusiaragane luwih,
jingga nyapta dipta iku,
luwih temen utama,
mirah ulunge wiakti,

ireng abawa bang asurat utama.

 

5. Bubur bang sinanten abang,
semu tangi aliab putih,
punika utama dahat,
kembang pung dadune becik
anging adipta tangi,
Mirah Adine puniku,
abang kumedep
nyalang abawa surya linuih,
luih iku,
wantah dahating utama.

6. Manjangan bang abang nyalang,
acelek dadune becik,
Windu Sarane kaucap,
Abang nyalang aliab putih,
wantah mula kapuji,
anake makejang juluk,
muah sahananing mirah,
saliwah utama wiakti,
ratna pangkaja,

abang asemu tangia.

 

7. Nila Pangkaja  kaucap,
biru anom wiakti becik,
semu dadu abawa bang,
utama temening luwih,
ratna sawala putih,
ateja biru kawuwus,
ratna banyu punika putih
bawa ijo becik,
ratna wulan,
ne putih kumedep pisan.

 

8. Pestal putih abiang lalah,

Jagra satru dipta kuning,

wiakti ijo pengawake,

padma kara kuning becik,

asemu jingga wiakti,

indraksa putihe alus,

masih masemu abang,

putran jipa putih becik,

abawa bang,
dui datu ireng semupita.

 

9. Kunang winten tiga luirnya,
ergeni kaucap becik,
wiakti ya mateja mega,
er-embune taler becik mateja ika wiakti,
saluiring kakayon luwung,
wintene mula kocap,
tuara ada manandingin,
putih ireng mabiang-lalah pakanyahnyah

 

10. Tungtung biru tungtung abang,
pakaretes tungtung kuning,
terus tingal dasa desa,
dewata Hyang Siwa wiakti,
wantah utama luwih
yen lene saking puniku,
kinyang juga ngaranya,
telas cacakanne sami,
ne kawuwus,

kaluihan  Kresnadana.

 

11. Yang sedek ngangge punika,
singsing ya ambahe mati,
dadi suarga Sang Hyang Atma,
sajelene lukat dadi,
Windu sarane  luwih,
pacang pangangge sang wiku,
saluiring mirah saliwah,
makadinya mirah adi,
kangge ngentos,
dadi suasta sang pitara.

 

Yening ngangge ali-ali,socanipun mangda anut ring paweton,maka srana pangemit raga,ngambil saking urip Sapta Wara kalih Panca Wara Jumlah dados asiki.

Umpami : Pawetone ring rahina Redite Wage.

 Redite urip: 5,

 Wage urip : 4.

Jumlah: 5 + 4 = 9.

Sapta Waranya dan Uripnya:

Redite : 5

Soma : 4

Anggara : 3

Buda : 7

Wraspati : 8

Sukra : 6

Saniscara : 9

Beriikut Panca Wara dan Uripnya

Umanis : 5

Paing : 9

Pon : 7

Wage : 4

Kliwon : 8

Uraiannya:

Urip: 7,ma-ali-ali soca ijo (gadang).

Urip: 8,soca ireng (selem)

Urip: 9,soca putih.

Urip: 10,soca ireng

Urip: 11,soca mirah

Urip: 12,soca abang (barak).

Urip: 13,soca putih.

Urip: 14,soca putih.

Urip: 15,soca ireng.

Urip: 16,soca ijo.

Urip: 17,soca abang.

Urip: 18,soca ijo.